星玄｜昆凌冧爆收仔女感謝信　網民大讚：珍貴的禮物

今日係5月21日農曆四月十四，今日幸運星係獅子座，多做好事冇蝕底，你嘅善心可以換來好人緣。獅子座嘅昆凌，自同周杰倫結婚之後，兩個人就成日甜甜蜜蜜秀恩愛，簡直係娛樂圈模範夫妻，上個月台灣花蓮地震，周杰倫同昆凌一齊捐咗500萬元台幣，幫助當地居民重建家園，呢個已經唔係佢哋第一次做善事，舊年八月內地華東水災，佢哋都低調捐款300萬人仔，平時做咁多善事，難怪昆凌同老公嘅人緣一直都咁好啦！

喺母親節呢日，昆凌收到三位小朋友自製嘅母親節禮物，連周董都有份發揮創意，上面有小朋友親筆寫嘅感謝信，相信昆凌一定冧爆啦！

肖雞嘅朋友桃花旺，身邊出現條件不錯的異性令你心動。肖雞嘅薛凱琪（Fiona），月頭喺福州開演唱會，着住吊帶連身短裙上陣，大騷纖瘦長腿，Fiona唔單止人靚仲好敬業，即使落大雨都唔離場，頭髮一路滴水，被淋到濕曬，都唱足9隻歌，更拎住把扇跳舞，Fiona你人靚身材正，事業又發展得咁好，今日桃花咁旺，記得要去識多啲人啦，見到條件唔錯嘅人，就唔好錯過啦！