羅馬變綠魔鬥舒淇　劉亦菲虎背熊腰驚現雙下巴

近月世界各地均舉行大型品牌活動，一個奢侈品牌尋日（20日）就喺羅馬舉行年度高級珠寶晚宴，一眾品牌大使如女神舒淇、劉亦菲、荷里活女星安妮希芙威（Anne Hathaway）、印度女星Priyanka Chopra等華麗登場，展示華麗珠寶，當中Priyanka Chopra就似乎最「得寵」，佩戴品牌慶祝踏入140周年特意推出、重達140卡嘅項鏈，氣派非凡。

一眾女星亦都扮靚靚去配搭天價珠寶，當中舒淇以似足晚霞款式嘅高訂禮服見人，天仙下凡一樣，Low cut設計更大晒骨感美。相反劉亦菲一身薄荷綠deep V開衩大露背晚裝出巡，但本身唔係「乳」出驚人嘅佢反而變平胸，更被網友拍得佢虎背熊腰一面，行路時又驚現雙下巴，同品牌晒出嘅P圖效果截然不同，令人驚訝女神狀態麻麻，忽然跌Watt。