隋棠性感短褲腿張開做木工　老公開腔回應

2010年因《犀利人妻》成功入屋嘅台灣女星隋棠，同老公Tony育有3名孩子嘅佢，不時喺社交網分享一家五口嘅幸福生活，加上凍齡有道嘅曼妙身材，人氣更係高踞不下。而日前，隋棠亦喺社交網晒出DIY做木工嘅相，不過一身火辣打扮就相當吸睛，只見將頭髮隨性紮起嘅佢，頭戴紅色Cap帽及灰色T，其中最引人注目嘅莫過於猶如冇着褲嘅下身，特別係為咗方便工作而擘大嘅雙腳，更係將佢白滑纖幼嘅美腿展露無遺，整體望落帥氣又性感之餘，就連老公Tony都忍唔住笑道：「娶了一個寧願逛傢俬店，不逛Shopping mall的好太太。」認真閃到盲。