东网电视
更多新闻短片
。
艺人陈家乐、汤怡及张文杰等，今日（21日）上午出席彭发执导的惊栗新片《拾荒法师》开镜。家乐因3个月前曾铲青兼减十馀磅，以拍摄另一部电影，所以今日现身时明显外形有别以往，“新髪型”更被太太连诗雅指似足Monchhichi！
家乐笑说：“3个月冇剪个头发，有咁嘅效果都算系咁，咁啱今次个角色要我不修边幅，都几啱feel吖！其实嚟紧另一个角色需要留长头发，咁我见彭发casting嘅时候，佢都叫我唔使修剪，就咁用呢个发型就得喇。”戏中家乐要与出名打得的张文杰仲交手，难怪他谓：“我宁愿畀佢打，因为佢识得借力！”
而即将荣升人父，家乐工作接到唔停手，完成《拾》片拍摄后他要飞往马来西亚开工，继续搵奶粉钱，不过他表示太太生产时自己会请假10天。当被问到是否已准备好“BB嘢”时，他答：“知道承传其他小朋友用过嘅嘢，系一种祝福，孙慧雪好好，已经寄咗袋嘢畀我。（佢两个都系仔，即系你嗰个都系？）大家唔好咁敏感，下星期太太会连英文名及性别一齐公布，留番畀佢。（啱啱过去母亲节，有冇帮BB送嘢畀妈咪？）我叫咗谢霆锋经理人喺英国帮我买包包。”
另外，谈到今次与彭发合作，家乐笑谓：“佢以前拍嘅灵异片，搞到我细个时唔系好敢搭𨋢，真系有童年阴影，我同佢讲佢对唔住我哋一代嘅年青人。今次都喺片场听番佢好多嘅故事，啲桥系点样嚟。”汤怡直言每次身边有朋友讲鬼故，她一定“掩耳盗铃”，张文杰亦大叫怕怕，被取笑空有外表。
彭发受访时坦言对上执导的港产片，已是十数年前执导由余文乐等主演的《冢爱》，而今次故事桥段亦已酝酿十年：“灵感来自我身边嘅朋友，佢系一位修行嘅法师，成日喺街执垃圾，希望帮啲亡魂整理，然后去轮回。”至于解决财务困难，他坦言：“最艰难嘅时候都过咗，后面嘅可以交畀个天，最紧要活好每一天。（太太情况点？）（同癌魔）搏斗紧，我开工就佢家姐照顾佢，完咗呢套我就会改台湾继续开工。（好多工作？）咁又唔使好多，有就得喇。”
陈家乐、汤怡同张文杰合作新片。
家乐又几似Monchhichi喎！
下周会公布BB性别。
彭发重头来过。
张文杰呢排人气急升。
汤怡又有新戏开。
