「體操女神」王虹茵任大學講師：返母校教書好有歸屬感

無綫「體操女神」王虹茵今年應母校浸會大學附屬學院邀請擔任兼職講師，教授運動及康樂學項目。今次以另一個身份回到母校的她指讀書時的回憶返晒嚟：「喺浸大畢業之後就入咗娛樂圈，但係一直都有教體操，今次返去好似變返以前讀書咁，每日都返去學校，去返讀書時同一個場地教書，好有歸屬感，過去回憶都出晒嚟。」

一直有教小朋友體操的她指今次教授20歲出頭的學生，自嘲雖然也有會有代溝，但因為自己也只是29歲，溝通上比起小朋友更接近，是嶄新的體驗。