李佳芯紅雨疑孖新歡冧豬出巡　1年半前曾同遊日本茶記培情

視后李佳芯（Ali）早前終於宣布開拍新劇《麻雀樂團》，已投新劇拍攝嘅佢，趁尋日（21日）紅雨有空檔，同一位疑似男友食lunch。Ali自2020年同陳炳銓分手後，新戀情一直備受關注，一直去到2022年，Ali曾被東網發現同年約40歲「大隻新歡」貼地歎茶記培情，又同對方同遊日本輕井澤食和牛等，不過Ali當時否認戀情，自言不急於拍拖，又話如果感情有着落會公開。

估唔到尋日紅雨期間，Ali被發現疑似同「大隻新歡」現身鴨脷洲餐廳食late lunch，二人有講有笑，疑似男友更不下一次拍打Ali頂帽，行為又Sweet又親密。二人同次茶記培情相隔上一年多，似乎二人感情發展穩定。