庾澄慶伊能靜離婚15年　美國世紀同框

台灣藝人庾澄慶（哈林）及伊能靜，曾結婚9年嘅2人育有1子「小哈利」庾恩利，喺美國紐約大學帝勢藝術學院就讀導演相關科系嘅佢，日前娒於迎來大學畢業，而哈林及伊能靜更為咗出席仔仔畢業典禮，難得出現喺同一個地方，而小哈利亦喺社交網晒出同父母嘅開心合照，並引嚟唔少網友熱議。

只見同爸爸哈林嘅合照中，哈林不改「頑童」本色，表情多多兼同小哈林跳起喺半空合照外，哈林亦分享道：「我家的哈利波特從葛來分多學院畢業了！從此要展開他的魔法人生！好期待又有點緊張！」；至於同媽咪伊能靜嘅合照，則係相較文靜兼文青，同時伊能靜亦Po文祝福道：「我的寶貝，未來燦爛明亮，我們永遠愛你！」引嚟唔少網友留言道：「跟爸爸在一起時的畫風活力、自然、童心滿滿，和媽媽一起撼各種姿勢、凹表情、秀妝造。」、「太幸福了，我看哭了！」、「被愛包圍長大的小王子！」、「幸運兒，有這麼給力的爹媽！」、「莫名就好感動。」