言承旭轉貴族王子Look 網友踢爆晒生圖滿面粒粒

2024年05月22日 17:01
東網電視
更多新聞短片
台灣男星言承旭自近年投身內地市場,人氣十足嘅佢成為品牌寵兒,被大讚出道以來似足食咗防腐劑嘅佢,近日喺社交網分享參加護膚品牌嘅活動照,換上一頭型仔曲髮嘅佢,身穿全白套裝搭配白鞋,散發白馬王子般貴族氣息,顏值超高,梗係獲網友一致讚好。
點知有網友就晒出當日活動未經PS嘅原圖,少咗燈光同磨皮等技術美化加持下,言承旭膚色忽然變深,砷上亦見生咗唔少粒粒同表情紋,狀態同佢自己上載嘅官方相好大出入,令唔少人質疑佢係咪P到失真。好在言承旭下顎線明顯、身材冇走樣,算係保養得唔錯,因為有網友亦留口誇讚:「47歲的他狀態好好」、「比99%的同齡人都年輕,看起來比真實年齡至少年輕10歲」。