Twins師妹團下周一出歌!未出道已獲邀登兩大音樂節

2024年05月22日 20:01
東網電視
更多新聞短片
繼Twins後,相隔23年英皇再推出新女團「VIVA」,4位成員:姜咏鑫(Ada)、李晞彤(Carina)、馬思惠(Macy)及張鈊貽(ValC),平均年齡22歲,個個青春有活力。昨日VIVA的官方社交平台釋出首張團體照,並預告將於本月尾27號正式派歌。團名「VIVA」來自西班牙諺語「Viva la Vida」,有活在當下的意思,在墨西哥又有「為生命而慶祝」的意思。
雖然未正式出道,但女團已獲邀為兩個大型音樂節,分別是6.21的「中環海濱One Love Asia 音樂節」和6.29在澳門舉行的水上音樂節擔任表演嘉賓,該水上音樂節陣容強大,包括有張敬軒、Dear Jane和組合Lolly Talk等,另外,VIVA並手握多個廣告在手,未正式出道已排山倒海工作,她們表示感覺奇妙,感謝公司及客戶的支持:「希望嚟緊會有更多工作,多啲嚟密啲手,我哋唔怕辛苦,哈哈!首先我哋4個期待出道已經有兩年,中間亦都去咗韓國受訓,到依家可以將大家努力出嚟嘅成果呈現喺觀眾眼前,有種DSE放榜嘅感覺;其次心情一定又興奮又緊張,雖然我哋幾個都曾經參加過選秀節目,有過舞台經驗,但始終現場演繹我哋首支派台歌曲畀大家聽同睇,一定會緊張,依家我哋每日都有練歌、排舞,希望到時以最佳狀態示人。」