洪助昇與粉絲開P慶出道2年　落力儲歌開個唱

歌手洪助昇（Aiden）自參加《全民造星2》為人認識，其粉絲「熊仔糖」日前為他舉行出道兩周年派對，Fans相當有心，場內貼滿了Aiden由《造星》參賽到現在的相，現場又播放着Aiden的歌曲，令他十分感動。Aiden坦言選秀節目後，一直擔心能否實現願望成為歌手，「比賽之後要去等一個機會成為歌手，其實有好多因素，亦都有好多未知之數。好多謝公司選擇咗我，令我可以成為歌手。」

轉眼間已經出道兩年，Aiden希望自己能儲多些歌，開一個屬於自己的個人騷，又感謝粉絲對自己一直以來的支持，「記得《造星》後有一段時間好氣餒，但粉絲就不斷鼓勵我，所以好多謝佢哋對我嘅堅持及畀力量我。佢哋話我畀到力量佢哋，但其實真真正正令我可以堅持到落去，係因為佢哋。」

期間，有Fans向他送上水泡，原因是他早前推出的新歌《你不是我的岸》講述「沉船」，引起大家共鳴，「佢哋希望我唔好沉船，可以自救。」Aiden透露正籌備新歌，希望盡快與大家分享，未來也跟不同人合作，向大家展現不一樣的自己。