陳曉華趁空檔隻身出走　趕尾班車赴日睇櫻花

前港姐冠軍陳曉華（Hera）早前趁空檔隻身飛到日本東京，捉緊櫻花季節的尾巴，連日來由日追櫻追到晚，雖然下雨，但無損其雅興，她接受東網訪問時說：「今次去冇話要做咩，所以見到周圍都係櫻花，緊係唔放過機會影相啦！同埋我唔係太鍾意買嘢，最多係周圍行，順道吸吓自由嘅空氣。」

之前一直忙得不可開交的她，笑指本欲趁假期留家，但認為太浪費，所以把心一橫買機票即飛：「平時我係慳妹，不過呢排日圓太平，見啱時間，各方面都配合到，就執行李走人。（冇計劃嘅旅行都好玩？）好玩，有時咩都唔Plan嘅收穫仲多。」