星玄｜楊紫瓊變「髮」術搶韓韶禧風頭　新造型逆齡二十年

今日係5月23農曆四月十六，肖虎嘅朋友桃花旺，今日你會春風滿面，單身者易結識合眼緣異性。肖虎嘅楊紫瓊，繼成為首位亞裔演員，獲得奧斯卡影后寶座，今個月月頭現身白宮，接受由美國總統拜登，頒授美國最高榮譽勳章，早前又被公布，將再度參演英雄電影，楊紫瓊事業愛情兩得意，難怪佢咁春風滿面。

《第77屆康城影展》近日隆重舉行，世界各地的名人、紅星均紛紛飛到當地出席電影盛事。日前，楊紫瓊以酒紅色皮質Bra Top配流蘇長裙，並將以往中分長髮造型，改為瀏海髮型亮相紅地氈，雖然同場還有「最美小三」之稱嘅韓韶禧，但當楊紫瓊新造型一出，即成功搶去唔少風頭，更有外媒及網民大讚，楊紫瓊的新造型令人眼前一亮，驟眼睇即時後生廿年。

今日幸運星係水瓶座，各方面運勢都不錯，但理財策略不宜冒進。水瓶座嘅張景淳（Stanley），舊年同好友羅天宇同李興華，一齊喺內地開小食店，有三個「生招牌」，生意都非常成功，依家已經開到第八間分店，絕對有潛力愈開愈多，不過Stanley要切記，開分店一定要搵埋另外兩位兄弟傾傾，唔好心急呀！