姚子羚對愛情有憧憬但不強求　對小鮮肉會有好感

由藝人陳自瑤（Yoyo）、賴慰玲（Winki）、黎諾懿及羅天宇主持的無綫節目《香港婚後事》今晚（23日）邀請到姚子羚（Elaine）做嘉賓。

作為單身貴族的Elanie表示對愛情仍然有憧憬，但不會強求，坦言曾遇結婚對象：「但依家回頭望番，嗰個人並唔係可以同我行落去嘅人，可能我最終會離婚，當你唔開心、迷惘嘅時候，往往呢啲人走出嚟嘅時候，通常都係錯嘅，因為你喺最迷失嘅時候，只要有個人行埋嚟，你就會覺得佢好好，經歷咗呢啲事你就 realize，啱就係啱，唔啱就係唔啱。」

之後講到姊弟戀和異地戀等話題，Elaine自爆讀書時試過異地戀：「嗰時喺澳洲讀書，男朋友係馬來西亞人，讀完書之後我返咗嚟香港，佢就返咗馬來西亞，最終就分開咗，雖然我嗰時係讀 communication，但我本身唔係好識 communicate。」問到Elaine能否接受與廿多歲的小鮮肉拍拖？Elaine笑言：「廿幾歲，正吖！」之後再表示：「我諗我未必得，雖然我Keep得幾好，望落去都似廿幾歲，如果（相差）5年之內就OK。」