洪金寶被捕獲上水街市買餸　獨自坐輪椅出入惹擔心

影壇大哥大洪金寶依家過咗半退休生活，得閒就弄孫為樂共享天倫，生活貼地嘅佢平時都係同家人食茶記、大牌檔等，日前佢就被網民捕獲獨自去咗上水街市買餸，佢戴上招牌草帽同埋口罩，坐住電動輪椅，邊行邊望注意安全，佢仲同啲檔口商販有傾有講，相當親民，網民留言好羨慕佢依家生活寫意，亦有網民好奇點解佢會獨自坐輪椅出入，冇傭人姐姐陪伴左右，惹起網民擔心，紛紛留言嗌佢要小心安全呀！