洪金宝被捕获上水街市买餸　独自坐轮椅出入惹担心

影坛大哥大洪金宝依家过咗半退休生活，得闲就弄孙为乐共享天伦，生活贴地嘅佢平时都系同家人食茶记、大牌档等，日前佢就被网民捕获独自去咗上水街市买餸，佢戴上招牌草帽同埋口罩，坐住电动轮椅，边行边望注意安全，佢仲同啲档口商贩有倾有讲，相当亲民，网民留言好羡慕佢依家生活写意，亦有网民好奇点解佢会独自坐轮椅出入，冇佣人姐姐陪伴左右，惹起网民担心，纷纷留言嗌佢要小心安全呀！