吳若希生日送大禮畀自己　氣質畫作擺廳添品味

藝人吳若希同老公何兆鴻（Alex）婚後育有一子一女，家庭美滿勁恩愛，因吳若希成日晒生活照而令一家人都變晒KOL咁有人氣，尋日（23日）係佢32歲生日，佢再次晒出全家福，仲搵埋Model細佬出嚟慶生，溫馨度爆晒燈！不過最吸睛，都係佢生日自己送大禮畀自己，佢自爆除咗買手袋，佢仲畫咗幅畫送畀自己，非常有心思：「今年生日，除了送了一個手袋畀自己，也都畫了一幅畫送給自己，全部是自己喜歡的顏色～剛剛好可以放在飯廳的一角～💙謝謝大家的祝福！今年希望自己以後可以跑長跑，而唔係百米衝刺！i mean處事上～🥰」