鮮娛糧︱「高海寧」行名店被讚又高又靚　網友：莊思敏嚟！

藝人高海寧（高Ling）最近參加內地綜藝節目《無限超越班2》後人氣再次急升，依家佢去到邊都會被粉絲影低行蹤，近日就有網友偶遇「高海寧」現身名店，仲俯身專注睇首飾，而佢一身短袖白色上衣配搭黑色長褲，全身都係名牌，相當有貴氣。該名網民寫道：「TVB女星在我面前我卻認不出，也不知道是不是高海寧，距離超近真人好高好美，還很有禮貌 #偶遇明星 #高海寧 #高海寧身材 #tvb女星。」

不過有心水清網民就留言踢爆：「認錯人好尷尬」、「唔係高海寧，係莊思敏啊。」莊思敏本人更大方回應發文，親自留言：「是我！」對方馬上回應莊思敏：「不好意思認錯人了。」認真搞笑。