鄭嘉穎被野生捕獲　竟然約朋友茶餐廳食飯

喺「鐵馬家族」中被尊稱為「大哥」嘅視帝鄭嘉穎，近年多次缺席聚會外，甚至連馬國明嘅婚禮都未有出席，從而掀起不和傳聞外，鄭嘉穎未有出席婚禮嘅「浪費時間論」，更係引嚟各界抨擊。然而，向來忙於喺工作、家庭兩奔波嘅佢，日前就被網友喺茶餐廳巧遇，只見佢頭戴紅色Cap帽及太陽眼鏡，簡單白T休閒現身，該名網友亦留言道：「好像在茶餐廳偶遇鄭嘉穎了，主要是戴着墨鏡，但是站起來的時候看見正臉感覺就是鄭嘉穎，也沒有上去問或要簽名合照之類的，因為他跟朋友在一起，不好意思打擾他！」

雖然網友分享嘅相睇唔到鄭嘉穎正臉，但清晰嘅側面亦令唔少網友認定就係鄭嘉穎本人，只見相中嘅佢相當豪邁咁飲檸檬茶，似乎真係有少少趕時間，加上見面地點喺茶餐廳，的確唔算「浪費時間」，同時亦引嚟唔少網友留言：「可不可以告訴我，在哪個茶餐廳，怎麼會這麼好運！」、「他好像好喜歡吃茶餐廳。」