佘詩曼遭拒愛被林峯推開　心有不甘：成世人未試過畀人咁樣

視后佘詩曼(阿佘)近日再與舊拍檔林峯合作新劇《家族榮耀之繼承者》，劇中二人更有感情線，當中一場林峯誤將梁靖琪當成阿佘獻上深情一吻場口，雖然鏡頭前心動指數爆燈，但鏡頭背後原來爆笑連場，事緣林峯獻吻期間要一手推開阿佘，大抵來得太突然，令阿佘來不及反應，她詐嬌說:「好Mean呀！我成世人未試過畀人咁樣架。」之後還抱頭大叫：「好在係幻想咋!」，可愛指數爆燈，連林峯見狀亦忍不住豪邁大笑。

而兩子之母的梁靖琪，劇中亦不乏性感騷長腿裝束，她坦言開劇前有刻意做運動及節食減肥：「因為我知道劇入面啲衫都頗性感，所以都有好努力咁做運動keep身形。喺開劇前一個月度，我除咗禮拜六或者禮拜日、差不多日日都有抽時間做gym同跟PT，咁嗰段時間我都有食得健康啲嘅。」