籃籃嬲爆遭冒用身份借錢買樓：可惡的騙子！

台灣啦啦隊「樂天女孩」隊長籃籃，有着清純外貌嘅佢，同時有着一副玲瓏浮凸嘅傲人身材，極大嘅反差感亦令佢圈粉無數，隨着佢人氣高企不下，竟然被詐騙集團冒用身份。近日，籃籃就喺社交網晒出一段網友私訊，對方開頭就問：「請問籃籃跟你認識嗎？」並表示2022年籃籃向佢借錢買樓，但後來遇上詐騙，導致還款期限超過嘅同時，仲聯絡唔到籃籃本人，因此希望對方代為聯絡。

對方更表示如果收唔到借款利息都唔緊要，只係希望籃籃可以面對事件：「我不是會為難的人，只要溝通協調清楚就好了」訊息最後，對方亦強調自己唔係討債集團或詐騙集團，甚至聲稱有對話內容可以證明，事情真偽令人難以辨別。對此，籃籃則透過社交網否認此事：「朋友們如果最近有被私訊這樣的訊息，請勿理會，也請幫忙檢舉帳號。最近詐騙非常非常多！我從來不會加任何好友去借錢，請大家小心。」最後更嬲到痛斥對方係：「可惡的詐騙壞人！」