星玄|傅穎歐遊騷Fit爆纖腰美腿 網民錯重點:件衫邊度買

2024年05月26日 00:00
東網電視
更多新聞短片
今日係5月26日農曆四月十九,是日最旺生肖係鼠,正財運強,從事金融投資者易有斬獲。肖鼠嘅傅穎(Theresa)早年北上搵真銀,做網紅兼帶貨,日前佢就喺東莞出席粉絲見面會,仲親手炮製美食畀粉絲,Theresa你咁識做,粉絲一定力撐,嚟緊正財運強,又加盟咗新公司,相信你之後必定會財源滾滾啦。
近日,Theresa喺社交網上載去歐遊度假嘅短片,片中不但見佢着橫間小背心配牛仔褲,若隱若現騷Fit爆纖腰,仲着短褲大晒白滑美腿,唔少網民都大讚Theresa靚女,但亦有唔少人錯重點竟留言大問:「件橫間小背心喺咩牌子」、「件衫喺邊度買?」、「跪求牛仔褲Link」,十分搞笑。
至於幸運星係山羊座,幸運指數排第,生活愜意,身心狀態佳。山羊男王祖藍與太太李亞男結婚後,育有2個女,一家4口生活幸福美滿。祖藍近多個月嚟,更化身做旅遊達人,分別喺社交網上,介紹中港兩地多個地方嘅美食及好去處,仲帶老婆去意大利佛羅倫斯度旅遊,生活咁寫意,身心當然好啦。