周渝民放棄做偶像原因曝光　從演戲中獲得解放

視帝周渝民（仔仔）同宋茜主演嘅浪漫愛情劇《另一種藍》，劇情講述宋茜遭公司辭退，回到家鄉景德鎮力圖重振家族瓷業，重逢前任上司周渝民，兩人為事業並肩向前也擦出愛火。而日前仔仔受訪時，提到現實中人生重要嘅轉捩點，則係當年爆紅後從偶像轉做演員：「我立下（演戲）這個志願時，還需要兼顧團體4人的工作、演唱會，選演員這條路經營，讓我內心得到比較多解放。」並期許未來可以繼續保持初心面對工作。

仔仔天生自帶嘅憂鬱眼神，宋茜亦羨慕道：「他平常只是在想事情、放空，但看到他的人就會覺得特別帥氣。」之餘，2人亦分享道原來佢哋「MBTI人格」都係I型人（內向型），對此仔仔則搞笑道：「驚訝吧，本來以為她是E人（外向型）。」當被問道拍戲時最享受嘅放鬆方式，2人更異口同聲道：「放空」，令宋茜忍唔住驚喜道：「看吧，我們都是I人。」