許靖韻拍西片計劃告終　馮允謙寫歌自肥

歌手馮允謙（Jay）與許靖韻（Angela）今日（26日）齊出席商場的周年活動，兩人在台上合唱《報復式浪漫》，Jay在獨唱時更主動走近台下歌迷，令Fans瘋狂尖叫。

兩人曾同是英皇歌手，所以相當熟落，在聖誕活動上遇見，可惜時間不合而沒機會合唱，Angela說：「今日首唱新歌《望年月》，自己擔心唔記得歌詞，但同佢合唱壓力仲大，好在喺現場夾咗3分鐘就夾好。」又指Jay叫她師姐，而Jay則說大家年紀相約。

Angela又記得有次：「我哋同一個音樂監製食飯，咁啱有個琴喺度即興Jam歌，佢用手機拍晒現場情況，我第二日瞓醒覺，佢就話搞掂咗首合唱歌叫《l‘m Sorry》，佢真係好犀利，我都想同佢合作寫歌，亦都想叫佢幫我寫歌，等我排吓隊先。」問到Angela早前為西片試鏡，她說計劃告終，因該片決定不在港拍攝，但是次好經驗：「要面對外國團隊唱歌。（係咪好可惜？）相信未來有機會再拍電影。」Jay最近忙寫歌中，已還清朋友約20、30首歌債，稍後的作品留作自用，望能推出全由自己創作的唱片。