張繼聰節食狂操　為冧愛女「咬塑膠吞波子」

藝人張繼聰近期為新戲角色積極修身，每天不停操練，他在社交網發放片段，寫道：「最近收緊身，Cardio、舉嘢，加埋飲食控制……又去番嗰種食唔飽又餓唔死嘅狀態，冇油冇糖就梗㗎啦，無時無刻個腦都係雪糕薯片拉麵汽水，然後仲要去幫襯個女新開嘅舖頭……爸爸真偉大。」

片段中阿聰手捧囡囡張靖（Kakaball）親手炮製的美食，包括飲品波子一杯及塑膠蛋糕，還扮吃得津津有味，絕對交足戲！粉絲留言大讚他好戲，令作為父母的粉絲「學到嘢」：「原來可以食得咁滋味，我平時一句Yummy就算」、「睇到我都覺得啲塑膠Muffin係好食嘅」、「要吮埋手指，學到嘢」、「爸爸果然好戲，唔知媽媽點呢？」阿聰即搞笑回覆，叫對方留意近日無綫於晚上重播，由太太謝安琪（Kay）主演的《殭》：「媽咪要吸血」，至於Kay亦有留言：「我都有幫襯咗一個沙律，同埋一杯果汁」。