「爆炸頭港姐」徐麟最新狀態曝光　愈來愈似陳茵媺

藝人徐麟（Astrid）曾參加《2022香港小姐競選》並躋身最後5強，當時她以「爆炸頭」髮型驚現面試，加上直率性格，引起網民注意。而令人欣賞的是，徐麟雖然來自內地，廣東話不靈光，更曾將自己名字「徐麟」讀成「邪靈」，但她堅持講邊講邊學，因此被封女版「金剛」，並獲欽點做「獎老」，在一眾同屆佳麗中率先跑出。

不過徐麟之後並未全身投入娛樂圈，而是繼續以學業為重，先完成香港大學公共管理學博士學位，但她就跟其他女生一樣，平時都喜愛拍照。徐麟近日就在社交網分享了一輯唯美靚相，風格與她以往走開的文青路線截而不同。相中，徐麟的爆炸頭變了熟女頭，穿上一條低胸露肩的白色連身短裙，如仙子般在花海中大擺優雅pose，加上她甜美的面孔和白皙的皮膚，非常省鏡。網民大讚：「Beautiful！」

其實在參選港姐時，徐麟就有過「翻版陳茵媺」稱號，當時她對此表示：「其實我都有睇大家對我嘅留言話我似佢，我係覺得好榮幸嘅，因為我好欣賞佢。」