蕭正楠介意黃翠如同洪永城拍咀戲：可以咀個好啲嘅

藝人蕭正楠、冼靖峰、羅毓儀、尹詩沛、莊思敏、莊思明等，今日（27日）為無綫劇集《神耆小子》結局篇進行花車巡遊宣傳。 劇中蕭正楠與傅嘉莉舊情復熾咀嘴戲出街，阿蕭指拍攝時順利，問到拍攝時老婆黃翠如可有監場？他說：「唔會，大家都唔使，到時叫佢唔好睇，過咗就冇事，唔會呷醋。」又問到可會否介意老婆拍咀戲？他說：「睇吓同邊個啦，同洪永城就唔好喇，可以咀個好啲嘅。」

冼靖峰與羅毓儀繼錫面戲後，亦同樣有咀嘴戲出街，羅毓儀更奪去冼靖峰的螢幕初吻，兩人皆指拍攝時也緊張、尷尬，問到冼靖峰可擔心粉絲吃醋？他說：「唔會，相信Fans會理解為作品而做。」羅毓儀則說：「我自己啲粉絲反而話冇眼睇。」身高差距甚大的她，又笑言拍攝咀戲時沒有身高障礙，還被網民封為「最萌身高差CP」，冼靖峰則笑言：「係我拍攝時跪低咗。」他又希望隨後有更多拍劇機會，亦透露正籌備新歌。