王祖藍遭愛女Gabby柴台：手指拗出唔拗入！

王祖藍與李思捷等主持的無綫扮嘢真人騷《福祿壽訓練學院》在昨晚一集中進行「1對1扮嘢對決」，由彭建豪對戰吳兆麟（Alan），兩人齊扮郭富城，雖然Alan晒肌跳唱《第四晚心情》，演出火辣，被網民大讚靚仔兼身材正，但最終不敵有20年扮演郭富城經驗的彭建豪。

而昨晚亮點之一是祖藍太太李亞男帶同大女Gabby及細女Hayley做現場觀眾撐爸爸場，當祖藍與思捷隊的學員對戰後，李亞男接受「扮工室助理」郭珮文訪問時，笑指Gabby並不支持爸爸隊伍，Gabby全程咬手指一副「置身事外」樣，祖藍即時笑謂：「佢嘅形體動作做得好好，你有冇見到佢做緊手指拗出唔拗入嘅動作。」引發全場爆笑，之後祖藍還順勢為節目賣口乖：「即係證明呢個比賽係好公平。」