何依婷泰國Chill歎　開工前叉電

藝人何依婷之前憑劇集《新聞女王》於內地走紅，工作不斷賺了不少真銀，她趁開劇前有少少空檔，獎勵自己，現時於泰國Chill住遊。她於社交平台Po了不少靚相，當中包括美食，大歎魚子醬加香檳，認真識歎！

而依婷於新劇《金式森林》中飾演豪門少奶奶，與何廣沛一對之餘，亦跟羅子溢有感情關係，她接受東網訪問時謂：「我同佢兩個都合作過，所以我好有信心大家會有默契。同埋劇入面家族好多人，亦都有好多唔同女角色，我都鍾意同多啲唔同嘅人合作，因為我覺得同唔同人開劇會有唔同嘅火花，咁先好玩。」說到又要勾心鬥角，她謂：「咁又難免，喺呢啲大家族鬥爭下都冇人係無辜，都係一個新嘗試，我未做過豪門家族成員，我自己都好期待，可以做吓豪門少奶奶。」