謝安琪瘦身不瘦胸　重回24吋螞蟻腰

歌手謝安琪（Kay）身穿低胸連身裙出席活動，大晒豐滿身材，她怪瘦身成功之過：「其實呢條裙本來好fit㗎，只係老公為角色瘦身，我為支持佢都陪佢一齊做運動，雖然冇佢做咁勁，但都有好早起身跑步，下午就舉鐵，我都瘦咗4Kg，條裙鬆咗先咁低胸。（但瘦身唔瘦胸咁犀利？）邊度犀利呀？」她又謂健身後，精神狀況好外，連身形都變靚，現時已重回未生BB前的24吋腰，連18年前的牛仔褲都可再穿上，不過現減了10Kg的老公更勁，20多年前讀演藝學院的舊牛仔褲依然合身。

問到她何時再出歌，她謂正籌備中，為明年出道20周年做好準備，而今年主力做「跟得媽媽」，為準備離港升讀大學的囝囝綢繆：「近期都係陪18歲嘅囝囝去好多升學講座，想去澳洲讀運動科學，將來讀完書可以做教練。（點解唔讀獸醫之類？）佢都鍾意讀獸醫，但佢又好鍾意運動，性格好佛系，讀呢科將來謀生都搵到食㗎。（係咪好唔捨得個仔去讀書？）都唔捨得嘅，不過澳洲嗰邊有好多朋友爭住做阿仔監護人，所以我都唔擔心嘅。」