賀軍翔陷桃色案　許瑋甯尷尬幫口：工作上他很好人

台灣型男賀軍翔（小美）大前日（24日）突遭提告「妨害性自主」，被台灣執法部門搜索住所，並扣查其手機後，受害人身份仍未得證實。最近因與賀軍翔合作劇集《不夠善良的我們》再度翻紅嘅許瑋甯，被問及對方身陷風波時，尷尬表示拍完戲後各有各忙，有關嘅小美事真係唔方便多講。

至於合作過程對小美嘅印象，許瑋甯話工作過程中大家都很努力，亦都會好用心接收對方情緒，喺工作時覺得佢係「很好的人」，當時佢自己都喺角色狀態，無法同小美開玩笑，且實際拍攝時其實二人只有對到幾場戲，並唔係每日一齊工作。

同時，許瑋甯又被問及曾經係閨蜜嘅楊丞琳，近日登上《歌手2024》演唱代表作品《帶我走》時飆高音失胸兼慘遭淘汰，加上失言風波負評排山倒海，許瑋甯話：「她一直很努力，不管演員或歌手身份，身為藝人都會希望自己努力可以被看見。」至於外傳兩人友情生變、互動變少？佢表示：「私下朋友自己的事，不需要拿來跟外界報備。」