周華健跌倒後首亮相　鬆身黑衫難掩凸肚

63歲歌手周華健5日喺江蘇參加拼盤演唱會後，離場時因天雨路滑不慎跌倒，幸好最終並無大礙。而日前，喺武漢開騷嘅佢，更有粉絲晒出佢完騷後喺後台舉行見面會嘅片段，只見佢同粉絲近距離接觸外，仲大派粉絲福利任摸唔嬲，認真羨煞旁人；雖然粉絲見面現場氣氛熱烈，不過全身黑衫打扮嘅周華健仍難掩發福身形，腩凸凸嘅同時臉部更明顯圓潤許多，未知係咪同之前跌倒有關。