周星馳激罕現身引出人山人海　商場企滿幾層樓

「星爺」周星馳近年愛玩社交網，要見佢真人真係難過登天，不過今個月就有網友流出一條周星馳現身內地商場嘅影片，似係曾現身上海進行宣傳活動，不過該網民未有提到何時拍攝，有可能係舊片重推。

片中星爺戴Cap帽、着衛衣現身商場，由於已被重級圍封，商場內人群一早就已經企滿幾層樓。極受歡迎嘅佢，一現身就獲數以十計嘅保安護航，沿路只見不斷增加保安人手，直至佢上台。而愛同大家互動嘅星爺，就全程表現親民，不時向兩旁圍觀人士揮手，又大嗌打招呼，一時又抱拳多謝大家嘅支持，一現身就獲現場觀眾超熱情反應，果然係神枱級藝人。