冼靖峰被奪螢幕初吻　羅毓儀：好有火花

藝人冼靖峰（Archie）與羅毓儀於無綫劇《神耆小子》內扮演一對，多番經歷後劇情交代二人感情大躍進，昨晚Archie更單膝下跪向羅毓儀真情告白：「如果妳願意，我可以陪妳度過所有困難。」教女神深受感動，二人隨即上演深情一吻戲碼，浪漫滿瀉。

原來這是Archie的螢幕初吻，他笑說：「其實心情都幾緊張，因為唔想NG太多，所以事前背熟劇本同走位，又排練咗好多次。」奪去Archie「初吻」的羅毓儀則表示﹕「拍呢場戲時落緊雨，成個環境都有一種淒美嘅感覺，好切合我哋兩個角色互訴心事嘅狀態！」

講到今次的螢幕CP，Archie說：「我哋合作得好開心，羅毓儀算係我嘅前輩，佢一路都Lead住我去拍，我哋之間默契都唔錯，希望觀眾睇完覺得我冇違和感啦。」羅毓儀謂﹕「大家都覺得我哋係『最萌身高差』，同埋個樣都係偏童顏，最重要係我哋喺拍劇嘅時候好有火花，建立咗一種互信嘅狀態！」