冼靖峰被夺萤幕初吻　罗毓仪：好有火花

艺人冼靖峰（Archie）与罗毓仪于无綫剧《神耆小子》内扮演一对，多番经历后剧情交代二人感情大跃进，昨晚Archie更单膝下跪向罗毓仪真情告白：“如果妳愿意，我可以陪妳度过所有困难。”教女神深受感动，二人随即上演深情一吻戏码，浪漫满泻。

原来这是Archie的萤幕初吻，他笑说：“其实心情都几紧张，因为唔想NG太多，所以事前背熟剧本同走位，又排练咗好多次。”夺去Archie“初吻”的罗毓仪则表示﹕“拍呢场戏时落紧雨，成个环境都有一种凄美嘅感觉，好切合我哋两个角色互诉心事嘅状态！”

讲到今次的萤幕CP，Archie说：“我哋合作得好开心，罗毓仪算系我嘅前辈，佢一路都Lead住我去拍，我哋之间默契都唔错，希望观众睇完觉得我冇违和感啦。”罗毓仪谓﹕“大家都觉得我哋系‘最萌身高差’，同埋个样都系偏童颜，最重要系我哋喺拍剧嘅时候好有火花，建立咗一种互信嘅状态！”