姜麗文20分鐘完成新歌歌詞　強忍淚水唔肯講原因

歌手姜麗文（Lesley）早前接受新城廣播訪問，宣傳其新歌《要說快樂太虛偽》。期間她透露只花了20分鐘便完成新歌的英文歌詞，然後交由填詞人Oscar翻譯成中文歌詞：「我寫嗰時好唔開心，一邊寫一邊喊，但點解喊就唔講喇！」

16歲開始音樂創作的Lesley，今次錄音連自己亦被觸動到：「歌詞想帶出唔使強迫自己快樂，唔使迫自己成日咁有活力，有時做人就算全世界同你講move on，做唔到就係做唔到，要接受自己。大家知我曾經患上抑鬱症，呢個係我經歷，希望呢首咁慘的歌可以治療到大家。」

Lesley坦言錄音時亦強忍淚水：「因為一喊就錄唔到，但完咗我就好似放鬆晒咁。」Lesley有情緒波動時，會寫日記和寫詩，然後將這些文字化成歌詞，至於開心時她會選擇繪畫：「例如今日同老公去約會，我會畫兩個人同心心，但唔會畫得太仔細，寫詞就會寫得長啲，因為唔開心時靈感就會多啲。」