姜丽文20分钟完成新歌歌词　强忍泪水唔肯讲原因

歌手姜丽文（Lesley）早前接受新城广播访问，宣传其新歌《要说快乐太虚伪》。期间她透露只花了20分钟便完成新歌的英文歌词，然后交由填词人Oscar翻译成中文歌词：“我写嗰时好唔开心，一边写一边喊，但点解喊就唔讲喇！”

16岁开始音乐创作的Lesley，今次录音连自己亦被触动到：“歌词想带出唔使强迫自己快乐，唔使迫自己成日咁有活力，有时做人就算全世界同你讲move on，做唔到就系做唔到，要接受自己。大家知我曾经患上抑鬱症，呢个系我经历，希望呢首咁惨的歌可以治疗到大家。”

Lesley坦言录音时亦强忍泪水：“因为一喊就录唔到，但完咗我就好似放松晒咁。”Lesley有情绪波动时，会写日记和写诗，然后将这些文字化成歌词，至于开心时她会选择绘画：“例如今日同老公去约会，我会画两个人同心心，但唔会画得太仔细，写词就会写得长啲，因为唔开心时灵感就会多啲。”