鮮娛糧｜高海寧帶父母出鏡　靚媽變祖兒Twins姊妹

由容祖兒、蔡卓妍（阿Sa）、鍾欣潼（阿嬌）聯手主持的內地綜藝節目《因為是朋友呀2》，邀請到女神高海寧擔任嘉賓，高海寧帶同父母出鏡，餅印基因表露無遺。節目中高爸爸大講當年生意失敗，以及家人如何看待其工作，又提到未有求婚，又冇拍過婚照感到遺憾。喺節目安排下，高爸爸拎住花束準備向太太驚喜求婚，高海寧見到爸爸用心，表現十分驚喜。

不過網友更留意高媽媽外貌，大讚高媽媽好年輕，同祖兒、Twins企埋一齊似足「五朵金花」，個樣同高海寧一模一樣，基因確實強大。而高海寧亦留言：「三姐妹真的令我媽肉眼可見地好好好開心 #因為是朋友呀2」。