冯盈盈“淑女坐姿”遭林秀怡讥笑　本尊：嗰刻唔觉得系

艺人冯盈盈今日（30日）出席美食广场活动，她身穿低胸碎花裙上阵，期间示范拉茶，似1模似样。盈盈下月30岁生日，她称无意大搞庆祝活动：“我想尽量低调，简单细搞，同家人或者熟朋友食饭庆祝，因为去到30岁生日想有啲特殊意义，留畀自己同家人。（你向来好重视仪式感？）有生日蛋糕就可以。同埋生日可以畀自己放纵食，我近期好勤力运动同食得好清淡。（踏入3字头有咩目标？搵个好男人？）我未来两年都唔拍拖，唔要男人，要讲到2026年。（戒色？）因为要注专工作，一日得24小时，好难感情同其他方面同步进行。”

另外，提到近日盈盈现身节目《流行都市》时全程以淑女坐姿示人，遭主持人林秀怡讥笑及模仿坐姿，她指跟对方合作过，大家相熟：“嗰刻唔觉得佢系嘲笑嘅意思，唔系大家所想，只系正常朋友咁倾偈。（咁你依家系咪转型？）可能啲人觉得我唔同咗，但我唔系刻意转型，依家工作上自在同自信咗，初入行做综艺节目好紧张，好想去投入，表现得活泼同热闹啲，依家畀松弛一面大家睇。（觉得秀怡扮得似唔似你？）搵日同佢合作再试吓，或者下次我扮佢。”