方皓玟疑戀細18歲冼靖峰　餐廳食飯被撞破

歌手方皓玟上月現身無綫節目《J Music》，並同冼靖峰（Archie）合唱《分手總約在雨天》，點知，有消息指方皓玟與Archie關係似乎非比尋常，疑似發展相差18年的姊弟戀。有消息指方皓玟同Archie喺節目過後約會，齊齊去咗尖沙嘴餐廳食飯，更有眼利網民發現Archie同方皓玟成日喺社交網互動，Archie亦曾在方皓玟直播時留言：「一定會好好努力做好」，即爆出疑似姊弟戀。

對此，方皓玟尋晚（29日）開直播亦有回應緋聞，強調只係同好朋友出去吃飯：「食個飯畀人傳緋聞。」又笑言以後只可約媽媽食飯。而Archie亦表示方皓玟係佢好尊重嘅前輩，更澄清當晚出去食飯，仲有其他人一齊食。