邵雨薇撇甩吳慷仁日本留學2個月　自爆1事最難克服

台灣金馬影帝吳慷仁女友邵雨薇，近期飛皇日本遊學嘅佢，即使喺台灣有工作都會快閃離開，堅持全勤上堂嘅佢，求學精神認真令人敬佩。而目前去咗日本留學2個月嘅佢，亦不時會透過社交網分享當地生活點滴，日前晒出一段練習講日文片段嘅佢，更表示今次遊學經歷非常充實：「一到五上學，一天3個半小時的課程，每天下課後，也花非常多時間讀書練習。也許是難得任性的長假，突然間有機會能只對一件事情非常專心，激起我想好好念書的欲望。」

2個月嘅學習中，邵雨薇亦分享日文中最簡單嘅係理解、背、讀同寫，最難嘅反而係對話：「充滿敬語的講電話更是難上加難，但目前成功講了兩次訂位電話。」最後亦不忘分享心得：「很高興我來了。學會愈多事物，心裏總是愈滿足。這是一趟夢幻的旅程，由衷感謝。」邵雨薇認真嘅學習態度亦引嚟唔少網友留言道：「怎麼那麼可愛又那麼上進的女生呀！」、「努力後得到了美麗的果實，好棒！」、「講日文好可愛！」、「不得不說你好適合講日文！」、「筆記本的內容好可愛！」、「甘巴爹！」