無綫節目巡禮︱陳曉華佔3套劇稱冠　袁偉豪成最多產男藝人

無綫今日於會展舉行《2024TVB年中節目巡禮》，近百演員黎耀祥、陳豪、馬國明、譚俊彥、林夏薇、高海寧等出席，向廣告客戶Sell節目，場面熱鬧。期間播放多位重頭劇精彩片段，當中包括《企業強人》、《反黑英雄》、《黑色月光》、《巾國梟雄之懸崖》等，還有綜藝節目《聲夢傳奇3》、《中年好聲音3》等等。

今年暫時佔最多劇的女藝人是近排力捧的小花陳曉華，她分別佔3套劇，包括《巾幗梟雄之懸崖》、《非常檢控觀》及《異空感應》，曉華亦即將於重頭劇《金式森林》中擔正女主角，飾演郭晉安的太太，成產量最多的女藝人。至於男藝人方面，袁偉豪憑着《反黑英雄》及《法證先鋒VI倖存者的救贖》成為最多產男藝人。

袁偉豪接受東網受訪時謂:「其實嗰兩部劇係同時間喺內地開拍，一次過拍兩套應該冇乜點試過，仲要係做主角，都好期待新劇上演。」說到近年經常要返內地拍攝，他謂:「其實呢個都係大趨勢，對演員同製作都係好事，多啲場景、發揮空間，又可以同內地平台合作，成本效益相對都會好，唔好話內地，飛到外國拍都冇問題。」

Hera下半年共有三部劇集孭飛，是眾藝人之冠，成為劇后，她開心表示：「上年拍咗好多劇冇停過，希望可以一次過播晒出嚟。（受公司力捧？）我每個機會都會好努力同珍惜。最期待係遠古時代拍嘅《異空感應》，因為再唔出個樣就唔同。（地位大躍進？）我知喺大家心目中我嘅演技仲係好BB級，希望十家睇到我有努力同進步。（預計頒獎禮攞獎？）我希望成為大家喜歡嘅角色就好開心，獎項隨緣。對到有傳她與方力申曾秘戀？她斷言否認：「唔係，冇咁嘅事，呢兩年都冇聯絡。」