无綫节目巡礼︱谭俊彦陈豪离港两个月　日日视像隔空慰妻

两大视帝陈豪（阿Mo）与谭俊彦（Shaun）今日（31日）出席《2024 TVB年中节目巡礼》，两人有份主演剧集《企业强人》，他们透露当时在内地逗留两个月拍摄，讲到无綫愈来愈多跟大陆的合拍剧需要在内地取景，问到两位爱家男要长时间离港会否不方便？Shaun笑言：“呢样系无可避免，依家好多剧同戏都喺外地取景，成个制作出嚟系会好好多，但就辛苦太太照顾家庭。我同阿Mo讲笑，要一齐喺内地租间屋。（你哋要喺好多地方买楼先得？）承你贵言！”而阿Mo亦认同：“喺香港拍剧最头痛就系取景，因为好多地方都拍过，内地就多好多景。不过当然，最好系一半时间喺香港，一半喺内地，取个平衡。（系咪喺内地有me time都系好事？）我个me time就系家庭。”

至于太太可有为此而投诉？Shaun称没有，太太会带小朋友到内地探班，但就辛苦他们，自己选剧以剧本、角色及对手为首选。阿Mo也表示太太陈茵嬍也没有投诉：“无论去到边都要同太太有沟通同连系，我同Shaun喺内地拍剧嘅时候，日日都同太太、小朋友视像。（如果太太去内地拍剧你得唔得？）我个心系好支持，但对眼就要睇到实。”