菊梓喬危站海邊拍攝　做好自己望有更多嘗試

菊梓喬（Hana）轉新公司後推出的第一首歌曲《萬年》正式出街，新歌講述轟烈的愛情故事，Hana指今次的唱歌方法跟前不一樣，希望大家細心留意，她說：「同監製傾咗用新唱法，之前唱歌發聲位會高啲，依家係「硬掘」喉嚨，刻意令到聲音粗糙啲、多啲質感，做出一種比較Raw嘅味道，但係呢種方式會比較傷喉嚨，唔可以亂用。」

早前拍攝MV時天氣經常天時睛時雨令到Hana與工作人員也相當辛苦，她說：「響陽光底下拍外景的確係好靚，但都特別辛苦，唔單止係自己，更加辛苦所有工作人員，大家都好專業，好彩一切都順利好快完成。」Hana透露最近在家布置了一個可以讓自己專心創作的位置，相信好快有新作品：「要做自己喜歡嘅音樂，會努力做好自己創作，希望有更多新嘗試。」