吳彥祖現身網吧冇人識　翻版人氣高過本尊

型男吳彥祖（Daniel）初出道時就憑帥氣外貌圈粉無數，作為型男代名詞嘅佢，更引嚟唔少各地粉絲爭相做「吳彥祖」，特別喺資訊發達嘅社交平台，成日都可以見到三亞吳彥祖、杭州吳彥祖、珠海吳彥祖等，數量之多連本尊都分唔清真假，而繼早前吳彥祖拍片表示：「如果你們都是吳彥祖，那我是誰呢？收手吧！」日前吳彥祖亦分享段現身網吧嘅影片，不過身為天王巨星嘅佢，竟然冇人關心之餘，連申請個遊戲帳號都遇上海量「翻版吳彥祖」，令佢忍唔住呻道：「吳彥祖這個名字，怎麼用不了？」一旁嘅男子則冷淡回應道：「現在啥人都就叫吳彥祖！」更表示自己條村就已經有3個吳彥祖，令本尊無奈道：「我就是吳彥祖！」搞笑片段曝光，亦引嚟唔少網友留言道：「太好笑了，真認不出吳彥祖！」、「吳彥祖好像變老哦！」、「嚇爛一堆複製人，認不出本尊了！」