湯唯孔劉驚喜同框　顏值天花板無懼低炒自拍

女星湯唯同韓籍導演老公金泰勇繼13年前嘅韓片《晚秋》後，再度合作韓片《Wonderland》，而不時透過社交網同網友分享生活點滴嘅湯唯，日前更喺社交網晒出同韓劇男神孔劉嘅自拍照，只見照片係男神招牌嘅「死亡角度」低炒自拍外，用一隻手遮咗半邊臉嘅湯唯仍難掩出眾氣質及高質顏值之餘，頭戴漁夫帽兼眼鏡嘅孔劉，即使鏡片反光都難遮唔住佢男神魅力，2人嘅俏皮笑容認真冧暈萬千粉絲。

隨着合照曝光，亦有唔少粉絲留言問係咪舊照，對此湯唯亦親自回應係新相，親民表現引嚟唔少網友留言道：「我要暈倒了，我最愛的中國女演員和我最愛的韓國男演員同框了！」、「終於發合照了，你們兩個我都很喜歡！」、「終於見到你們同框了！我的人生又圓滿了一回！」