星玄｜潘静文自认“恋爱脑”冇自我　情绪受困崩溃爆喊

今日系6月5日农历四月廿九，幸运星系双鱼座，得到幸运之神关照，各方面运势都相当好。双鱼女潘静文（Sherman）曾经参加选秀节目《声梦传奇》第一季，前排推出咗新歌《伤鱼座》，用歌曲表达自己嘅感情观。Sherman都自认系“恋爱脑”，之前拍拖嘅时候，唔会将自己摆喺首位，不过佢都透过拍拖过程，慢慢学识爱自己。五月初Sherman喺社交平台上坦言自己曾经情绪失控，终日以泪洗面，唔少Fans都留言安慰。今日系幸运之日，相信无论系感情定工作运势都相当好，Sherman一定要保持好心情呀！

呢排整理好心情嘅Sherman再度出发，翻唱咗广东话版嘅《嘉宾》，唔单止人靓，声更靓呀，唱得咁动人，当然吸引大批Fans留言支持。

肖猪嘅朋友贵人运不错，事业发展可更上一层楼，猪仔周奕玮（Jarvis）曾自嘲系冇身形、冇外形、冇台型嘅“三冇主持”，但佢今年初首夺“最佳男主持”后，获得唔少网民留言祝贺。向来有“日本通”之称嘅佢，最近又飞到日本，拍摄全新饮食节目《感动味蕾》，同新拍档王敏奕（Venus）一齐出发，品尝当地美食之馀，仲影咗唔少靓相，Jarvis依家贵人运唔错，要好好珍惜唔同嘅工作机会，话唔埋之后好多大骚都会搵你做主持㗎！