范冰冰唔再試水溫　工作室「開張」獲本尊祝賀

內地女星范冰冰早前被爆秘密來港定居，進駐過億半山豪宅，近年多次試水溫復出嘅佢，如今唔再怕人氣高低，直接正式「上線」，其范冰冰工作室終於「開張」，於社交網上開通新帳號，並上載女神靚相及留言公布好消息：「Hey冰冰的影迷朋友們，久等了！我們的官方小紅書帳號正式啟動，意味着演員范冰冰 的每一個閃耀瞬間都將有你的見證。無論是劇集裏的百變、紅氈上的驚艷，或是生活中不經意的溫柔，一切美好，都不再錯過。#范冰冰」

粉絲最高興嘅係范冰冰本人都現身評論區：「真不容易！終於來了！開始你的使命吧！」范冰冰工作室回覆：「使命必達」即係大家會有更多機會見到范冰冰嘅靚相、靚片，同粉絲更進一步。