星玄｜李亚男放一家4口头贴头片　网民：幸福爆灯

今日系6月6日农历五月初一，幸运星系射手座，心情不错，桃花旺盛，情人对你疼爱有加。经常系社交网上放闪晒爱嘅射手女李亚男，早前难得放低两个女儿，同老公王祖蓝飞到意大利佛罗伦斯过二人世界，又喺欧洲大屋大玩《王密欧与李丽叶》，两个人玩得咁开心，李亚男心情当然好到爆啦。

日前，李亚男于社交网上载一家4口，头贴头层层叠嘅短片，片中先见王祖蓝，随后大女锡爸爸一啖，再将头打侧放上祖蓝头上，之后再见细女锡家姐，最后才到李亚男，唔少网民见到后都大赞：“幸福爆灯”、“幸福的一家”。

至于是日最旺生肖系鼠，桃花旺，脱单机会来临，要好好把握。鼠女梁超怡凭甜美笑容兼火辣身材而吸引到唔少网民嘅注意，日前佢系社交网上载一辑着白色婚纱嘅相，相入面见佢美艳动人，仲若隐若现见到深长事业线添，梁超怡你嚟紧桃花旺，遇到心仪嘅人就要好好把握，话唔定会成功出Pool呀。