洪永城自爆已結紮？戴祖儀震驚：你咁輕描淡寫

藝人洪永城（Tony）與「學霸女神」戴祖儀（Joey）早前於劇集《香港人在北京》及《飛常日誌》中有多次合作。但原來Joey初入行後，所拍攝的首套微電影，以及首部亮相劇集《多功能老婆》，都是與Tony合作。日前二人為繽FUN星網節目《真係咁Friend？》擔任嘉賓，Tony更連環爆出驚人說話。

在遊戲環節中，Tony被問到「最吝嗇」和「最八卦」的藝人時，Tony直指是吳業坤及吳若希，二人還說出當年讀書時期被欺凌的經過。

隨後Tony也提及到，太太梁諾妍早前因患乳腺炎一事，他表示：「原來乳腺炎，有啲人話男士係要幫手。」語畢他隨即做出一個令人誤會的小動作，令Joey大感不解；而當Joey隨口問Tony有否想過再生小朋友時，Tony竟爆出驚人一句：「結紮咗喇我！」Joey即笑話：「你咁輕描淡寫講一啲咁爆炸性說話！」想知Tony做了甚麼，以及還有甚麼驚人言論？立即去片！