黃紫恩林映暉台灣住民宿有「感應」　房內feel到有嘢

藝人黃紫恩（JoJo）與林映暉（暉哥）早前到台灣拍攝節目，期間同房入住多間民宿，原來兩人去到房間早已「心有靈犀」，有所「感應」，JoJo說：「我同暉哥因為要拍嘢所以不斷要換民宿，幾次我哋都不約而同揀咗同一間房，或者拒絕入某一間房，本身有帶住一啲護身符，可以避開啲氣場唔好嘅房間，當時我都覺得好奇，點解暉哥永遠都講到間房唔乾淨。」

原來兩人早已「心靈相通」，齊齊有「發現」，她說：「去到最後一晚拍攝，大家講起先知原來我哋兩個都帶住一啲護身符，然後大家因為驚嚇親對方，所以冇特別出聲，話感覺到有啲嘢。」